Elimizde balalar arasyndaǵy sýıtsıdti azaıtý úshin ne istelip jatyr

NUR-SULTAN. QazAqparat - Densaýlyq saqtaý mınıstrligi byltyrdan beri búkil óńirde kámeletke tolmaǵandar arasynda sýıtsıdtiń aldyn alý baǵdarlamasyn engize bastady, dep habarlaıdy QazAqparat.

Baǵdarlama 6 óńirde qarqyndy iske asyrylýda, arnaıy saıtta júıeli monıtorıng jasalady.

Kámeletke tolmaǵandar arasynda sýıtsıdtiń aldyn alý máseleleri boıynsha 2021 jyly 761 densaýlyq saqtaý mamany jáne 705 bilim mamany (psıholog) oqýdan ótti.

Onlaın baılanys arqyly patsıentterge aı saıyn keńes berý uıymdastyrylǵan. 2021 jyly 3880 onlaın keńes ótkizildi.

BUU Balalar qorynyń (UNІCEF), UNAIDS qoldaýymen Respýblıkalyq psıhıkalyq densaýlyq ǵylymı-praktıkalyq ortalyǵy COVID-19 ınfektsııasynyń taralýy kezinde halyqty qamtamasyz etý úshin aqparattyq resýrstar ashty.

Bul ınternet-platformada qoljetimdi keńester, suraqtarǵa jaýaptar, ózine-ózi kómek kórsetý týraly aqparat bar.

Sonymen qatar psıhıkalyq densaýlyq mamandaryna, onyń ishinde mektep psıhologtaryna qıyn jaǵdaıda kómek kórsetý úshin resýrstar bar.

MENTALCENTER QAZAQSTAN YouTube arnasy ashyldy, onyń maqsaty - eń aldymen psıhıkalyq densaýlyq salasyndaǵy mamandardyń bilimin arttyrý.

2021 jylǵy jeltoqsannan bastap «COVID-19 bar patsıentterge kómek kórsetýge tartylǵan ınfektsııalyq statsıonarlar men MSAK uıymdarynyń medıtsına qyzmetkerleriniń emotsıonaldy sharshaýyn aldyn alý maqsatynda kómekti uıymdastyrý» jobasy iske asyrylyp jatyr.

Budan basqa, psıhıkalyq densaýlyqty qorǵaý qyzmetiniń jumysyn reglamentteıtin normatıvtik-quqyqtyq baza turaqty negizde jetildirilýde.

Psıhıkalyq, minez-qulyq buzylystaryn dıagnostıkalaý jáne emdeý hattamalary jasalyp, jańartylady.