Elimizde azyq-túlik qory jetkilikti – QR AShM

NUR-SULTAN. QazAqparat – QR Aýyl sharýashylyǵy mınıstrligi óńirlerdiń azyq-túlik taýarlarynyń negizgi 32 sanatymen qamtamasyz etilýine apta saıyn monıtorıng júrgizip otyrady, dep habarlaıdy QazAqparat vedomstvonyń vedomstvonyń baspasóz qyzmetine silteme jasap.

Monıtorıng barysynda turaqtandyrý qorlaryndaǵy, iri saýda jelilerindegi, jetkizýshiler men qaıta óńdeý kásiporyndarynyń qoımalaryndaǵy qorlar apta saıyn baqylanady.

Óńirlerdiń 13 mamyrdaǵy derekteri boıynsha, respýblıkada jalpy kólemi 1,2 mln tonna bolatyn túrli azyq-túlik taýarlar qory bar. Onyń ishinde óndirýshi kásiporyndarda – 625,2 myń tonna, qoımalarda – 173,2 myń tonna, saýda jelilerinde – 345,1 myń tonna, turaqtandyrý qorlarynda – 19,6 myń tonna qor bar.

Budan bólek, 319,9 mln dana jumyrtqa jáne 5,6 mln tonna azyq-túlik bıdaıy bar.

«Aıta ketý kerek, azyq-túlik óndirisi artyp keledi jáne qorlar únemi jańartylyp, tolyqtyrylyp otyrady. Sondyqtan, azyq-túlik tapshylyǵy joq jáne bolmaıdy da»,-delingen habarlamada.