Elimizde Azamattyq avıatsııa kúni merekesi bekitilmek

ASTANA. QazAqparat – Qazaqstanda jańa mereke, ıaǵnı Azamattyq avıatsııa kúni bekitilýi múmkin, dep habarlaıdy QazAqparat tilshisi.

«QR merekelik kúnderdiń tizbesin bekitý týraly» QR Úkimetiniń qaýlysyna mynadaı ózgeris pen tolyqtyrý engizilsin:

Qazaqstan Respýblıkasynyń azamattyq avıatsııa kúni – 1 aqpan», - delingen Ashyq NQA portalynda jarııalanǵan Úkimet qaýlysynyń jobasynda.

Indýstrııa jáne ınfraqurylymdyq damý mınıstrliginiń túsindirmesine saı, bul merekeni bekitý bastamasyn bıyl aqpanda QR azamattyq avıatsııa kásiporyndarynyń birlesken soǵys jáne eńbek ardagerler keńesi usynǵan.

«Atalǵan jobanyń maqsaty - Qazaqstan Respýblıkasynda Azamattyq avıatsııanyń resmı mereke kúnin bekitý», - dep túsindirme berilgen qaýlyǵa.

Qujat 11 shildege deıin kópshilik talqylaýda bolady. Keıin qol qoıý úshin Premer-Mınıstrge joldanady.