Elimizde áıelder men balalarǵa kómek kórsetýge arnalǵan biryńǵaı baılanys nómiri paıda bolady
22:13, 04 Qyrkúıek 2023
ASTANA. QazAqparat – Tsıfrlyq damý, ınnovatsııalar jáne aeroǵarysh ónerkásibi mınıstrligi «Baılanys qyzmetterin paıdalanýshylar úshin qosylýy tegin bolyp tabylatyn shuǵyl medıtsınalyq, quqyq qorǵaý, órt, avarııa jáne basqa da qyzmetterdiń tizbesin bekitý týraly» Úkimet qaýlysyn tolyqtyrmaq, dep habarlaıdy QazAqparat tilshisi.
Endi otbasylyq máseleler boıynsha bastapqy zań kómegin berýge arnalǵan biryńǵaı baılanys nómiri bekitilmek.
«111 - otbasy, áıelder jáne balalardyń quqyqtaryn qorǵaý jónindegi baılanys ortalyǵy», - delingen Ashyq NQA portalynda jarııalanǵan Úkimet qaýlysynyń jobasynda.
Qujatqa qosymsha berilgen túsindirmede jazylǵandaı, «111» baılanys nómirine habarlasý tegin bolady.
«Jobanyń maqsaty - aqparattyq-anyqtamalyq, uıymdastyrýshylyq, psıhologııalyq kómek kórsetý, sondaı-aq azamattardyń zańdy quqyqtaryn qamtamasyz etýge qatysty barlyq máseleler boıynsha bastapqy konsýltatsııalar ótkizý úshin árbir azamatqa tegin qosylý baılanys qyzmetterin usyný», - dep túsindirme berilgen qaýlyǵa.
Qujat 18 qyrkúıekke deıin kópshilik talqylaýda bolady.