Elimizde avtomobıl qurastyrý isi 3 esege ósti - Albert Raý

QOSTANAI. QazAqparat - Qostanaı oblysynda Májilis depýtattary «Agromash Holdıng» AQ, «SaryarqaAvtoProm» JShS eńbek ujymdarymen kezdesti, dep habarlaıdy «QazAqparat» tilshisi.

Halyq qalaýlylarynyń aıtýynsha, aýyl sharýashylyǵy tehnıkalarynyń eskirýi astyq túsiminiń azaıýynyń bir sebebi bolyp otyr.

«Búginde aýyl sharýashylyǵy tehnıkalary birneshe jyl boıy qoldanysta. Bular əbden eskirgen. Eski tehnıka janarmaıdy kóp jumsaıdy, bul tikeleı ekonomıkalyq shyǵyn. Sondaı-aq, ərdaıym qosalqy bólshekterdi aýystyrýǵa týra kelip jatady. Bul problemany «Agromash Holdıng» AQ árdaıym nazarda ustaýy tıis», - dedi depýtat Albert Raý.

Jıynda belgili bolǵandaı, Qostanaı oblysynda 11 712 traktor 17 jyl qoldanylǵan. Onyń 5 myńy esepten shyǵarýǵa daıyn. Qalǵan tehnıkalar qoldanýǵa múldem jaramsyz. Jalpy eski tehnıkalardyń saldarynan bıyl 817 myń tonna bastyrylǵan joq.

«2014-2015 jyldardaǵy daǵdarys avtoóndiris salasyn da aınalyp ótpedi. Óndiris kólemi 4 esege kemidi.  Bir jaǵynan, otandyq kólikterdi shet elderge shyǵarý máselesi ózekti. Degenmen, memlekettiń qoldaýy arqasynda avtonesıeleý baǵyty iske qosyldy. Byltyr avtomobıl qurastyrý isin 3 esege kóbeıttik. Buǵan qostanaılyq mashına qurastyrýshylardyń qosqan úlesi zor», - dep atap ótti halyq qalaýlysy.

Munan soń depýtattarǵa JAC, Peugeot, Ravon elektr mashınalary men Iveco mektep avtobýstary tanystyryldy.

Sondaı-aq, májilismender oblystaǵy «Nurly jer» memlekettik baǵdarlamasynyń oryndalý barysymen tanyspaq. Búgin olar Zarechnyı kentindegi «Severnyı» yqsham aýdanynyń qurylys nysandaryn aralaıdy.