Elimizde aýyldy jandandyrý baǵytynda arnaıy Jol kartasy ázirlenedi

ASTANA. QazAqparat - Elbasynyń «Rýhanı jańǵyrý» baǵdarlamasy aıasynda bekitilgen alty baǵytqa taǵy bir tyń baǵyt qosylatyn boldy. Jańa baǵyt jaıly Astanada ótip jatqan «Nur Otan» partııasy bastaýysh uıymdarynyń respýblıkalyq forýmynda Qoǵamdyq damý mınıstri Darhan Káletaev aıtyp berdi, dep habarlaıdy QazAqparat tilshisi.

Forýmda sóz sóılegen Qoǵamdyq damý mınıstri ózi basshylyq etip otyrǵan vedomstvonyń maqsatynyń biri  - «Rýhanı jańǵyrý» baǵdarlamasyn ary qaraı  júrgizý ekenindigin jetkizdi.

«Atalmysh baǵdarlamany Memleket basshysy jarııalaǵan bolatyn. Baǵdarlamanyń basty mıssııalary retinde Qoǵamdyq sananyń jańǵyrýy belgilengen. Atalmysh mıssııany alty baǵyt boıynsha, atap aıtqanda básekege qabilettilik, pragmatızm, ulttyq biregeılikti saqtaý, bilim kýlty, Qazaqstannyń evolıýtsııalyq damýy men sananyń ashyqtyǵy baǵyttary arqyly iske asyrý bekitilgen», - dedi Qoǵamdyq damý mınıstri. 

Qoǵamdyq damý mınıstri jańa bastama boıynsha, baǵdarlamanyń jetinshi baǵyty - «Aýylym - altyn besigim» degen baǵyt engizileıin dep otyrǵanyn tilge tıek etti.

«Osy baǵyttyń eń basty júrgizýshisi de, Úkimetpen birge júzege asyrýshysy da - «Nur Otan» partııasy bola ala alady senimdemin.  Bárimiz de aýyldan shyqqannan keıin ol jaqtaǵy problemalardyń bárin bilemiz. Qazirgi tańda Aýyl sharýshalylyq mınıstrligi «Aýylym - altyn besigim» baǵytyna baılanysty kóptegen sharalardy daıyndap jatyr. Sondyqtan, osy «Aýylym - altyn besigim» boıynsha arnaıy jol kartasy bolady. Sol kartany partııanyń ózi qadaǵalap, óziniń jumysyn Jol kartasy boıynsha júrgizýge tolyq múmkindigi bar», - dedi Darhan Kaletaev.

Eske sala ketsek, elordadaǵy Kongress-ortalyqta «Nur Otan» partııasy bastaýysh uıymdarynyń respýblıkalyq forýmy ótip jatyr.