Elimizde áýe kóligimen jolaýshylar men júk tasymalynyń erejesi ózgerdi

ASTANA. QazAqparat - QR Indýstrııa jáne ınfraqurylymdyq damý mınıstriniń 2023 jylǵy 15 aqpandaǵy buıryǵy aıasynda jolaýshylardy, júkterdi áýe kóligimen tasymaldaý qaǵıdasyna ózgerister engizildi. Osy oraıda qujattyń 107-tarmaǵy jańa redaktsııada jazyldy, dep habarlaıdy QazAqparat tilshisi.

«Eger júk osy Qaǵıdalardyń 101 jáne 104-tarmaqtarynda jazylǵan talaptarǵa sáıkes kelmese, áýe kompanııasy ony tasymaldaýǵa qabyldaýdan bas tartady», - delingen qujatta.

Sonymen qatar qujatta júkti alatyn adam áýe kompanııasynan ushaq mejeli pýnktke kelgen, júkti túsirgen jáne ony óńdegen sátten bastap júk pen júk qujatyn berýdi talap etetini naqtylanǵan. Júkti tapsyrý áýe kemesi kelgen sátten bastap 2 saǵattan keshiktirilmeı júrgiziledi.

Budan bólek, qujattyń 135-tarmaǵynda áýejaı ákimshiligi áýe kóligi arqyly jolaýshylardy, bagajdy jáne júkterdi tasymaldaý tártibin áýejaıdyń resmı ınternet-resýrsynda ornalastyratyny aıtylǵan.

Osy buıryq alǵashqy resmı jarııalanǵan merzimnen keıin on kún ótken soń qoldanysqa engiziledi.