Elimizde áýe kerosınine suranys eleýli kólemde artady - QMG

ASTANA. QazAqparat – Qazaqstandaǵy munaı óńdeý zaýyttarynda áýe kerosınin óndirý kólemi artady. Bul týraly «QazMunaıGaz» basqarma tóraǵasynyń orynbasary Dmıtrıı Makeev aıtty, dep habarlaıdy QazAqparat tilshisi.

«Áýe kerosıni boıynsha eseptelgen ımport shamamen 300 myń tonna boldy. Jalpy bizge 900 myń tonna qajet. Eń aldymen áýe kóligimen jolaýshy tasymaldaýshylardy osy otyn túrimen qamtamasyz etý mindetin aldymyzǵa qoıyp otyrmyz. Al júk tasymaldaıtyn ushaqtar negizinen ımportty kerosın esebinen qamtamasyz etiledi», - dedi D. Makeev elordada ótken baspasóz máslıhatynda.

Onyń aıtýynsha, Shymkent munaı óńdeý zaýytyn keńeıtý arqyly elimizdegi jalpy ónim 1,2 mıllıon tonnadan asady.

«Biz buǵan deıin marketıngtik zertteý júrgizgen edik. Osy oraıda aldaǵy 10-20 jylda avıakerosınge degen suranys 1,2 mıllıon tonna ekeni anyqtaldy. Shymkent munaı óńdeý zaýytyn keńeıtý boıynsha tehnıkalyq sheshimderdi qosa alǵanda, avıakerosın boıynsha suranysty tolyq qamtamasyz etý eskerilgen», - dedi kompanııa ókili.