Elimizde atqarýshylyq is júrgizýdiń mobıldik qosymshasyn ázirlenedi
Marat Beketaev atap ótkendeı, vedomstvo sot aktilerin oryndaýdy jaqsartýǵa baǵyttalǵan sharalar qabyldaýda. Bıyl azamattarǵa qolaıly bolý úshin mobıldi braýzerler úshin qoldanystaǵy portal ınterfeısine ońtaılandyrý júrgizý josparlanýda.
Atqarýshylyq is júrgizýdiń avtomattandyrylǵan aqparattyq júıesin odan ári damytý maqsatynda ekinshi deńgeıli 14 banktiń málimetter bazasymen shoǵyrlandyryldy. Endi sot oryndaýshylary onlaın rejımde qarjy ınstıtýttarynda shekteýlerdi jedel júktep, alyp tastaı alady.
Sonymen qatar, notarıýstardyń atqarýshylyq jazbalaryn elektrondy formatta alýǵa múmkindik beretin «E-notarıat» aqparattyq júıesimen ózara is-qımyl iske qosyldy. Budan bólek paıdalanýǵa «SMS-habarlama» servısi iske qosyldy.
Endi, nómirler tirkelgen jaǵdaıda boryshkerlerdiń telefondaryna is qozǵaý jáne ol boıynsha qabyldanǵan is júrgizý áreketteri týraly aqparat bar SMS kelip túsetin bolady.
Atqarýshylyq is júrgizýdiń avtomattandyrylǵan aqparattyq júıesiniń (AІJ AAJ) mobıldik qosymshasyn ázirleý josparlanýda.
Osy oraıda: atqarýshylyq áreketterdi kabınetten tys jasaýǵa, is júrgizý taraptarynyń is júrgizý qujattarymen tanysýǵa, qoldanylǵan sharalar mártebesiniń ózgerýine, sanktsııa alýǵa jedel den qoıýǵa múmkindik beredi.