Elimizde áskerı ekıpajdar men eseptoptar aýqymdy daıyndyqqa kiristi
«Jaýyngerlik arnalymǵa sáıkes urystyń tyń jaǵdaılarynda jaýyngerlik is-qımyldardy júrgizýge áskerı qyzmetshilerdiń udaıy ázirligin qamtamasyz etýge baǵyttalǵan sharalar 4-20 qańtar aralyǵynda ótedi», - dep habarlaıdy QR Qorǵanys mınıstrliginiń baspasóz qyzmeti .
Atalmysh daıyndyq lezde birneshe maqsatqa qol jetkizýge múmkindik beredi. Sonyń ishinde, ekıpajdardyń, eseptoptardyń, bólimshelerdiń úılesýi men dalalyq, áýe jáne teńiz mashyǵyn jetildirý, jeke quramnyń qarý-jaraq pen áskerı tehnıkanyń jańa úlgilerin meńgerýi, qaýipsizdik talaptaryna sáıkes oǵan tehnıkalyq qyzmet kórsetý jáne jaýyngerlik qoldanýǵa ázirlikte ustap turýǵa bilim men daǵdyny arttyrý.
Odan basqa, sabaqtar jeke quramnyń joǵary psıhologııalyq turaqtylyǵy men dene tózimdiligin, tártiptiligi men jaýapkershiligin shyńdaýǵa, jalpyáskerı urys qıyndyqtary men kúrdeli jaǵdaılardaǵy júktemelerdi eńserýge septigin tıgizedi.