Elimizde «Asar» dástúri qaıta jańǵyrady

NUR-SULTAN. QazAqparat – Ulystyń uly kúni – Naýryz meıramy qarsańynda, erteden kele jatqan «Asar» dástúrin qaıta jańǵyrtý qolǵa alynady. Bul týraly QR Mádenıet jáne sport vıtse-mınıstri Nurǵısa Dáýeshov málim etti, dep habarlaıdy QazAqparat tilshisi.

«Naýryz meıirimdilik pen qaıyrymdylyq merekesi. Volonterlik, qaıyrymdylyq jáne erikti uıymdar arqyly Asar dástúrin jańǵyrta otyryp, «Naýryz meıirimi» jalpyulttyq aktsııasyn iske qosý usynylad», - dedi Nurǵısa Dáýeshov ortalyq kommýnıkatsııalar qyzmetinde ótken baspasóz máslıhatynda.

Sondaı-aq, mınıstrdiń orynbasary balalarǵa arnalǵan jańa jobanyń qolǵa alynatynyn tilge tıek etti.

«Naýryz balalar úshin basty mereke. Otbasy, bilim berý uıymdary men eńbek ujymdarynda «Naýryz kádesi», «Naýryz qorjyn» (ulttyq naqyshtaǵy oıynshyqtar) syılyqtaryn tartý etý dástúrin engize otyryp, balalar aýdıtorııasyna erekshe mán berý kózdelip otyr», - deıdi ol.

Buǵan deıin vıtse-mınıstr elimizde Naýryz meıramyn toılaýdyń jańa tujyrymdamasy ázirlengenin aıtty.