Elimizde alǵash ret ónerkásiptik aýqymda banan ósirile bastady

ASTANA. QazAqparat – Túrkistan oblysynda ónerkásiptik kólemde banan óndirile bastaıdy. Túriktiń Gengroup Qazaqstan kompanııasy óńirde banan otyrǵyzylǵan 5,3 ga jylyjaı keshenin saldy. Qazaqstannyń klımattyq jaǵdaılaryna beıimdelgen banannyń sorty arnaıy ósirildi, dep habarlaıdy QazAqparat.

Aýyl sharýashylyǵy mınıstrliginiń málimetinshe, jaqyn arada jylyjaı taǵy 5 gektarǵa keńeıtiledi. Bul jylyna shamamen 1000 tonna banan óndirýge múmkindik beredi. Alǵashqy ónimdi 6-8 aıdan keıin jınaý josparlanyp otyr. Ekzotıkalyq jemisterden basqa, jylyjaıda qyzanaq pen qulpynaı ósiriledi.

Jobanyń quny birinshi kezeńde 4 mıllıon AQSh dollary. Túrik kompanııasy qurylys kezinde joǵary beriktigi bar qurylymdardy paıdalandy, jylyjaılar klımattyq baqylaýmen jáne beıimdelgish qorektendirý júıesimen jabdyqtalǵan. Bul ósimdikterdiń genetıkalyq áleýetin tipti qolaısyz aýa raıynda da tolyq ashýǵa múmkindik beredi.