Elimizde alǵash ret qazaq operasynyń antologııasy shyǵaryldy
Eń bastysy, olar ásem án tyńdap qana qoımaı, opera ánshileriniń qundy murasy jınaqtalǵan antologııamen tanysýǵa úlken múmkindik aldy.
Shilde aıynyń 9 juldyzynda, qazaqstandyq opera óneri úshin tarıhı kúni Elordadaǵy «Qazaqstan» ortalyq kontsert zalynda QR Mádenıet jáne sport mınıstrligi men «Mıras» qoǵamdyq ulttyq mádenı qory» Qoǵamdyq qorynyń uıymdastyrýymen «Qazaq operasynyń ańyzdary» atty kontsert-prezentatsııasy ótken bolatyn. Atalmysh joba KSRO halyq artısi, Sotsıalıstik Eńbek Eri Bıbigúl Tólegenovamen tikeleı qatysýymen ázirlengen.
«Qazaq operasynyń juldyzdary» atty kommertsııalyq emes kontsert-jobasynyń negizgi maqsaty - opera ánshileriniń shyǵarmashylyǵyn túgendep, jas urpaqqa klassıkalyq mýzykany nasıhattaý. Onyń tarıhı mıssııasy da bir bólek. Іs-sharanyń basy-qasynda júrip, negizgi ıdeıasyn usynǵan avtory Bıbigúl Tólegenova bundaı jobanyń Qazaqstanda buryn - sońdy bolmaǵandaǵyn basa aıtyp ketti. Rasymen, buǵan deıin opera ánshileriniń barlyǵynyń birdeı shyǵarmashylyǵy men sýretteri, ánderi bir antologııaǵa jınaqtalǵan emes. Sol sebepti osy kem-ketiktiń ornyn toltyrý - búgingi urpaq paryzy bolmaq.
Elbasymyz Nursultan Nazarbaev óz Joldaýlarynda aıtqandaı, órkenıetti otyz eldiń qataryna qosylyp, «Máńgilik El» bolý úshin bizdiń de mádenı talǵamymyz sol damyǵan memleketterdiń halqymen teń dárejede bolýǵa tıis. ıAǵnı, halqymyz mádenıettegi jaqsy men jamandy, shynaıy kórkemdik pen haltýrany, jetistik pen kemshilikti tolyq ajyratyp, durys baǵalaı bilýi kerek.
Qazaqstandyq opera sahnasynda ult maqtanyshyna aınalǵan, keler urpaqqa úlgi bola alǵan kórnekti tulǵalar az emes. Olardyń esimderi álemge áıgili KSRO Halyq ártisteri. Atap aıtsaq: Kúlásh Baıseıitova, Roza Baǵlanova, Rıshat Abdýllın, Bıbigúl Tólegenova, Ermek Serkebaev, Roza Jamanova, Álibek Dinishev. Bul bulbul daýysty, kúmis kómeı, jez tańdaı ánshilerimizdiń esimderi tarıhta altyn áriptermen jazyldy.
«Qazaq operasynyń juldyzdary» atty jobanyń taǵy bir ereksheligi - opera tarıhynda oıyp turyp oryn alatyn tulǵalar týraly arhıvterden alynǵan qundy derekter, fotosýretter men olardyń daýysy jazylǵan vıdeomaterıaldar sandyq tehnologııaǵa kóshirilip, CD, DVD dıskterge jınaqtaldy. ıAǵnı, bir ǵana antologııalyq jınaqta jeti birdeı qazaqstandyq opera óneriniń sheberleri, KSRO halyq artısteriniń ómir-deregi, shyǵarmashylyǵy qamtyldy. Jan-jaqta shashylyp júrgen qundy dúnıeler jınaqtaldy. Ár oryndaýshyǵa bir dıskten, ıaǵnı opera ánshileriniń ánderi jazylǵan antologııa 7 aýdıodıskten, sonymen qatar, olardyń kontserttik, ózge de vıdeolary bar 7 DVD-dısk pen býkletten turady.
Uıymdastyrýshylardyń sózine súıinsek, «EKSPO-2017» halyqaralyq kórmesinde elimizdiń bedelin aıqyndaı túsetin qazaqstandyq klassıkalyq mýzyka keshi otandyq mádenıetti jahandyq álemge tanytý úshin úlken mańyzǵa ıe. Іs-shara qazaq operasynyń ańyzdary arqyly táýelsiz Qazaqstannyń baı mádenıetin tanytýǵa, qazaq halqynyń joǵarǵy oryndaýshylyq sheberligin álemdik qaýymdastyqqa kórsetýge ózindik úlesin qospaq.
Jobany uıymdastyrýshy QR Mádenıet jáne sport mınıstrligi men «Mıras» qoǵamdyq ulttyq mádenı qory» qoǵamdyq qory. Aqparattyq demeýshi - KAZAKH TV jáne STV telearnalary.