Elimizde alǵash ret «Erte aralasý» ınstıtýtyn engizý bastaldy - mınıstr
«Memleket basshysynyń tapsyrmasyn iske asyrý maqsatynda mınıstrlik ońaltý kómegin damytýǵa erekshe kóńil bóledi. Balalarǵa ońaltý kómeginiń qoljetimdiligi artty. Sońǵy 3 jylda ońaltý tósekteri men ortalyqtarynyń sany 2 esege ulǵaıdy», - dedi mınıstr.
Onyń dereginshe, 2021 jyly 53 myńnan astam bala ońaltýdan ótti. Bul 2019 jylmen salystyrǵanda 3,3 ese kóp.
«Elimizde alǵash ret «Erte aralasý» ınstıtýtyn engizý jónindegi is-sharalar bastaldy. Jyl sońyna deıin 17 erte aralasý ortalyǵy ashylady. Onda jyl saıyn 0 jastan bastap 3 jasqa deıingi aralyqtaǵy 10 myńǵa deıin bala em ala alady. «Qadamdyq qoljetimdilik» qaǵıdatyn iske asyrý aıasynda ótken jyldan bastap balalardy ambýlatorııalyq deńgeıde ońaltý engizildi. Nátıjesinde tek qana osy jyldyń 1-toqsanda 4,2 myńnan astam bala turǵylyqty jeri boıynsha emhanalar deńgeıinde medıtsınalyq ońaltýdan ótip jatyr», - dedi Ajar Ǵınııat.