Elimizde adamzattyń turaqty damýyna arnalǵan marafon máresine jetti
«Turaqtylyqtyń bastaýy - ózimiz» atty marafon jobaǵa elimizdiń túkpir-túkpirinen 12 men 45 jas aralyǵyndaǵy 1400-ge jýyq qatysýshy ótinish bildirgen.
«Jobanyń onlaın formatta ótýi men qatysýdyń tegin bolýy elimizdiń barlyq aımaǵyn, onyń ishinde aýyldyq eldimekenderdi de qamtýǵa múmkindik berdi. Bul joba «Meniń qaldyrǵan eko-iz» degen ataýmen ótken jyly da júzege asyrylǵan. Bıyl uıymdastyrýshylar qatysýshylardyń jasyn 45-ke deıin ulǵaıtý jáne durys tamaqtaný, adamnyń fızıkalyq, psıhıkalyq jaǵdaıyna qatysty taqyryptardy odan ári qamtý týraly sheshim qabyldady», - delingen habarlamada.
Uıymdastyrýshylardyń málimdeýinshe, atalǵan joba oqý jáne praktıkalyq bólimnen turady.
«Qatysýshylar ózderi tańdaǵan taqyryp boıynsha sarapshylar men sala mamandaryn tyńdaı otyryp, bilim men daǵdylaryn jetildire tústi. Al jobanyń tájirıbelik bóliginde qatysýshylar kúndelikti úı tapsyrmasyn oryndap, onyń nátıjesin áleýmettik jeli arqyly jarııalap otyrdy. Sonymen qatar jobanyń ambassadorlary – ekobelsendiler, sportshylar, psıhologtar jáne ınflıýınserler óz tájirıbelerin ortaǵa salyp, marafonǵa qatysýshylardy yntalandyryp otyrdy», - dep habarlaıdy qaýymdastyq.
El kóleminde ótken marafondy qorytyndylaı kele uıymdastyrýshylar belsendilik tanytqan 36 jeńimpady anyqtaǵan.
«Men kúndelikti ózime paıdaly bolatyn ádetterdi boıyma sińirip, jattyǵýymdy toqtatpastan, kúndelikti 1000 qadam jaıaý júrip júrmin. Taza aýada serýendep, tabıǵı sýdy lımonmen ishýdi kúndelikti daǵdyma engizdim. Osyndaı marafonnyń qatysýshysy bolǵanyma qýanyshtymyn. Endigi kezekte sizderdiń klýbtyń múshesi bolýdy uıǵardym. Qazirgi ýaqytta aınalamdaǵy adamdarǵa, stýdentterge sizderdiń klýbtaryńyz jaıly aqparattarymmen bólisip júremin. Olarda qyzyǵýshylyq bildirip júr», - deıdi joba qatysýshysy tarazdyq Saıat Mámeshov.
Aıta ketsek, atalǵan sharany Almatydaǵy ıÝNESKO klasterlik bıýrosynyń jáne «ECOJER» óńirlik ekologııalyq bastamalar qaýymdastyǵynyń qoldaýymen Qazaqstan ulttyq ıÝNESKO klýbtarynyń qaýymdastyǵy júzege asyrdy.