Elimizde adam quqyǵy salasyndaǵy Ulttyq is-qımyl jospary usynystarynyń 30 paıyzǵa jýyǵy oryndaldy
Búgin elordada ótip jatqan EQYU Sammıti qarsańyndaǵy Sholý konferentsııasynyń Úkimettik emes uıymdary forýmynda sóz alǵan QR Prezıdenti janyndaǵy Adam quqyǵy jónindegi komıssııanyń hatshysy Tastemir Ábishev osyndaı pikir bildirdi.
«Aǵymdaǵy jylǵy 1 qarashadaǵy jaǵdaıǵa sáıkes, adam quqyǵy salasyndaǵy Ulttyq is-qımyl jospary usynystarynyń 30 paıyzǵa jýyǵy oryndaldy. Ulttyq is-qımyl josparyna sáıkes Halyqaralyq bala asyrap alý týraly Gaaga konventsııasy, sondaı-aq TMD elderinen eńbek mıgranttary men olardyń otbasy músheleriniń quqyǵyn qorǵaý týraly konventsııa ratıfıkatsııalandy», - dedi T.Ábishev.
Komıssııa hatshysy óz sózinde elimizde genderlik saıasat salasyndaǵy turmystyq zorlyq-zombylyqtyń aldyn alý týraly, sondaı-aq erler men áıelder úshin teń quqyqtar men múmkindikter týraly zańdardyń qabyldanǵandyǵyn atap ótti. Sonymen qatar, barlyq óńirlerde oblystyq ákimdikter men máslıhattardyń jáne respýblıkalyq mańyzy bar qalalardyń sandyq kitaphanasy kezeń-kezeńimen engizilip jatqandyǵyn basa aıtty.
Sózin qorytyndylaı kele T.Ábishev memlekettik organdarǵa komıssııanyń birqatar usynystaryn jarııa etip, adam quqyǵy salasyndaǵy ulttyq jospar ázirleý jónindegi komıssııanyń tájirıbesin qabyldaýǵa keńes berdi.