Elimizde 88 adam jańa irikteý júıesi boıynsha memlekettik laýazymdarǵa taǵaıyndaldy

ASTANA. QazAqparat - Memlekettik qyzmet isteri agenttiginde 2023 jyldyń birinshi jartyjyldyǵyndaǵy qyzmet qorytyndylary boıynsha jumys otyrysy ótti, dep habarlaıdy QazAqparat QR Memlekettik qyzmet isteri agenttiginiń baspasóz qyzmetine silteme jasap.

MQІA tóraǵasy Darhan Jazyqbaev Memleket basshysynyń tapsyrmasyna sáıkes memlekettik qyzmetke irikteý jáne qabyldaý protsesterin tsıfrlandyrý boıynsha belsendi jumys júrgizilip jatqanyn habarlady.

Máselen, bıylǵy 1 naýryzdan bastap bes memlekettik organda jańa irikteý júıesi jumys istep tur.

Memlekettik organdardyń aqparattyq júıelerin «E-qyzmet» júıesimen ıntegratsııalaý memlekettik qyzmetke ornalasý úshin qajetti qujattardy jınaý protsesin avtomattandyrýǵa múmkindik berdi. Endi úmitkerdiń sottylyǵynyń nemese ózge de quqyq buzýshylyqtardyń bar-joǵyn, biliktilik talaptaryna sáıkestigin, sondaı-aq qatysýshy týraly ózge de qajetti aqparatty tekserýdi júıeniń ózi avtomatty túrde júrgizedi.

Jańa júıede sybaılas jemqorlyq quqyq buzýshylyqtar jasaǵany úshin memlekettik qyzmetke kirýge qoldanystaǵy tyıymdary bar adamdarǵa konkýrsqa qatysýǵa múmkindik bermeıtin fýnktsııa pysyqtaldy. Osy maqsatta «E-qyzmet» júıesi Bas prokýratýra janyndaǵy QSjAEK bazasymen ıntegratsııalandy. ıAǵnı, «E-qyzmet» júıesi negizinde memlekettik laýazymdarǵa ornalasý úshin konkýrsqa qatysýǵa tyıym salynǵan adamdardy jibermeıtin «qara tizim» quryldy.

Sonymen qatar, júıe adamı faktordyń áserin tolyǵymen joıýǵa múmkindik beredi, sebebi árbir memlekettik laýazymǵa úmitkerge onyń tolyq ıesizdenýin qamtamasyz etetin arnaıy sáıkestendirý nómirleri beriledi.

Buǵan qosa, irikteý kezeńderiniń ashyqtyǵy men ádildigi úshin proktorıng tehnologııasy qoldanylady, al zerdeleýge arnalǵan materıaldar proktorlarǵa ıesizdendirilgen jáne kezdeısoq túrde túsedi.

Búgingi tańda jańa irikteý júıesi boıynsha konkýrstarǵa 646 úmitker qatysyp, olardyń 88-i jeńimpaz dep tanyldy.