Elimizde 8,6 mln-nan astam adam koronavırýs vaktsınasyn saldyrdy

NUR-SULTAN. QazAqparat – Qazaqstanda 8,6 mln-nan astam adam koronavırýs vaktsınasyn saldyrdy, dep habarlaıdy QazAqparat Densaýlyq saqtaý mınıstrligine silteme jasap.

«19 qarashadaǵy málimet boıynsha Qazaqstanda vaktsınanyń I komponentin 8 604 577 adam, II komponentin 7 908 380 adam saldyrdy», delingen habarlamada.

Vaktsına saldyrǵandar sany boıynsha Almaty qalasy aldyńǵy orynda, qalada 1 015 141 turǵyn vaktsınanyń birinshi komponentin, 967 790 adam ekinshi komponentin saldyrǵan.

Ekpe alýdan ekinshi orynda - Túrkistan oblysy. Óńirde 1 014 166 adam koronavırýs vaktsınasynyń 1-komponentin, 951 704 adam 2-komponentin egilgen.

Úshinshi orynda Shyǵys Qazaqstan oblysy – 903 559 adam ekpeniń birinshi bóligin alsa, 856 014 adam ekinshi bóligin qabyldaǵan.