Elimizde 675,7 myń tonna kartop jınaldy

NUR-SULTAN. QazAqparat – Bıyl elimizde 675,7 myń tonna kartop jınaldy. Bul týraly búgin Úkimet otyrysynda QR Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Maıly daqyldardan 3,4 mln gektardyń egini jınalýy tıis. Búgingi kúni gektaryna 7 tsentner ónimdilikpen 16,6 myń gektar jınaldy. Kartopty alar bolsaq, jınaý alańy 198,9 myń gektar. 675,7 myń tonna ónim jınaldy, ónimdiligi gektaryna 203 tsentnerden. Kókónisterdi jınaý alańy 169,7 myń gektardy quraıdy. Ortasha alǵanda gektaryna 253 tsentner túsimdiligimen 1,9 mln tonna jınaldy», - dedi mınıstr.

Onyń atap ótýinshe, egis naýqany sapaly tuqymdardy qoldana otyryp, ońtaıly merzimde

júrgizildi. «Fermerler tyńaıtqyshtardy ýaqytynda septi. Daqyldardy aramshópter men aýrýlarǵa qarsy hımııalyq óńdeýdi ýaqtyly júrgizdi», - dedi Erbol Qarashókeev.