Elimizde 62 myńnan astam bala vaktsına aldy

NUR-SULTAN. QazAqparat – Elimizde 62 myńnan astam bala vaktsına aldy. Bul týraly Úkimet otyrysynda QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Qazaqstanǵa Comirnaty (Pfizer) vaktsınasynyń 645 myń dozasy kelip tústi. Búgingi kúni 62 myń 707 bala jáne 17 myń 015 júkti jáne bala emizetin áıelder egildi. Vaktsınany jetkizý apta saıyn jalǵasýda», - dedi birinshi vıtse-mınıstr.

Jalpy onyń dereginshe, vaktsınatsııanyń 1-shi komponentimen 8,7 mln adamnan astam adam egildi, egilýge tıisti halyqtyń 76,6 paıyzy nemese jalpy halyqtyń 46,2 paıyzy qamtyldy. Ekinshi komponentpen tıisti halyqtyń 70,8 paıyzyn nemese jalpy halyq sanynyń 42,7 paıyzyn qamtı otyryp, 8 mln-nan astam adam egildi.