Elimizde 500-deı jas sarbaz ant qabyldady (FOTO)
Bul kúni 500-ge jýyq merzimdi qyzmetke shaqyrylǵan áskerı qyzmetshi Otanǵa adal bolý úshin ata-analarynyń, komandırleri men qyzmettesteriniń, sondaı-aq Uly Otan soǵysy jáne QR Qarýly Kúshter ardagerleriniń aldynda ant qabyldady.
Olar qasıetti boryshyn óteý úshin Astana men Almaty qalalarynan, sondaı-aq Aqmola, Jambyl, Qaraǵandy, Pavlodar, Aqtóbe, Almaty, Ońtústik Qazaqstan, Batys Qazaqstan jáne Shyǵys Qazaqstan oblystarynan keldi.
Ásker qataryn tolyqtyrǵandar medıtsınalyq komıssııadan ótti. Tájirıbeli dárigerler men psıhologtar áskerge jańa shaqyrylǵandardyń moraldyq-psıhologııalyq jaǵdaıy men densaýlyǵyn anyqtaı otyryp qatań irikteýden ótkizdi.
Qarýly kúshteriniń qataryn tolyqtyra otyryp olar Otandy qorǵaýdaǵy qasıetti áskerı mindetin atqarady jáne elge qaltyqsyz qyzmet etedi.
«Qazirgi ýaqytta armııaǵa deni saý, bilimdi, sonymen qatar moraldyq turǵyda berik jastar alynýda. Olar bizdiń dańqty jaýyngerlik dástúrimizdiń laıyqty muragerleri, sondaı-aq elimizdi kirpik qaqpaı qorǵaýda qyzmet etýdiń tamasha úlgisi bolary anyq. Áskerı ant - áskerge shaqyrylýshynyń aldyndaǵy erekshe mańyzdy sát, sebebi Otan aldynda adal bolý úshin ant qabyldaǵan sátten bastap onyń ómirinde naǵyz áskerı qyzmet bastalatynyn aıta ketken jón», delingen aqpar hatta.