Elimizde 41,7 myń adam koronavırýstan emdelip jatyr

NUR-SULTAN. QazAqparat - Qazaqstanda 41 711 adam koronavırýs indetinen emdelip júr, dep habarlaıdy QazAqparat coronavirus2020.kz-ke silteme jasap.

25 sáýirdegi málimet boıynsha, 41 711 adam koronavırýs ınfektsııasynan (41 203 KVI+ jáne 508 KVI-) emdelýde, olardyń ishinde 14 827 patsıent statsıonarda, 26 884 naýqas ambýlatorııalyq deńgeıde em qabyldaýda.
KVI+, KVI- shaldyqqandardyń arasynda:
• 716 adamnyń jaǵdaıy aýyr;
• 181 patsıenttiń jaǵdaıy óte aýyr;
• 104 naýqas ÓJJ apparatynda jatyr.
23 sáýirdegi málimet boıynsha koronavırýs ınfektsııasynyń belgisi bar pnevmonııaǵa qatysty 86 jańa jaǵdaı tirkeldi, 3 naýqas kóz jumdy. 85 adam jazylyp shyqty.
2020 jyldyń 1 tamyzynan bastap naýqastar sany – 52 434, 771 adam ólimi tirkeldi, barlyǵy 51 155 adam saýyǵyp shyqty.