Elimizde 3 myńnan astam orynǵa qoqys zańsyz tastalǵan

NUR-SULTAN. QazAqparat – Jyl basynan beri el aýmaǵynan ruqsat etilmegen qoqys tastaıtyn 3 411 oryn anyqtaldy. Onyń 1 243-i joıyldy, dep habarlaıdy QazAqparat tilshisi QR Ekologııa, geologııa jáne tabıǵı resýrstar mınıstrligine silteme jasap.

«Ruqsat etilmegen jerde qoqystardyń paıda bolýymen kúres jalǵasyp jatyr. Jyl basynan beri «Qazaqstan Ǵarysh Sapary» ǵaryshtyq monıtorıngi arqyly ruqsat etilmegen qoqys tastaıtyn 3 411 oryn anyqtyldy. Onyń ishinde 1 243-i joıyldy», - delingen mınıstrlik aqparatynda.

Mınıstrliktiń habarlaýynsha, zańsyz tastalatyn qoqyspen kúreste Qaraǵandy, Qyzylorda oblysy jáne Shymkent qalasy belsendi. Al, ShQO, Mańǵystaý, Atyraý jáne Jambyl oblysynda tómen jumys nátıjesi baıqalady.

«Jalpy, respýblıka boıynsha qoqysty ruqsat etilmegen jerde tastaý deńgeıi - 36%. Bul baǵyttaǵy jumys jandandyrylady», - deıdi vedomstvodan.

Osy oraıda, Ekologııa mınıstrligi zańsyz qoqys tastaýǵa qatysty WasteEdit jáne wasteviewer mobıldi qosymshasynyń jumys isteıtinin jetkizedi.

Tolyq aqparatty «Qazaqstan Ǵarysh Sapary» servısterinen https://waste.gharysh.kz siltemesi arqyly, geoservısten http://oko.gharysh.kz siltemesi arqyly jáne «Oko KZ» mobıldi qosymshasynan kórýge bolady.

Foto: QR Ekologııa, geologııa jáne tabıǵı resýrstar mınıstrligi