Elimizde 28 juqpaly aýrý túriniń taralýy azaıdy - J. Bekshın
11:26, 30 Shilde 2014
ASTANA. QazAqparat - Qazaqstanda 28 juqpaly aýrý túriniń báseńdeýi baıqalýda. Bul týraly búgin Ortalyq kommýnıkatsııalar qyzmetinde ótken brıfıngte Tutynýshylar quqyǵyn qorǵaý agenttigi tóraǵasynyń mindetin atqarýshy - Bas memlekettik sanıtarlyq dáriger Jandarbek Bekshın aıtty.
«Biz úshin eń mańyzdysy, árıne, S gepatıti, ol 2,5 esege azaıdy. Jalpy alǵanda alǵashqy jartyjyldyqta menıngokokktik ınfektsııa 37%, bakterııalyq dızenterııa - 33%, V gepatıti - 20% jáne týberkýlez - 12,6% azaıdy», - dedi ol.
Onyń aıtýynsha, juqpaly aýrýlardyń aldyn alýdaǵy profılaktıkalyq jumystardy, zamanaýı dıagnostıka júrgizýge Úkimettiń kórsetip otyrǵan qarjylyq kómegi zor yqpalyn tıgizýde.