Elimizde 270 myńnan asa adam turǵylyqty jerinde tirkeýsiz turyp jatqan

ASTANA. QazAqparat – Bıyl turǵylyqty jeri boıynsha tirkeýsiz turǵan 270 myńnan astam adam jaýapqa tartyldy. Bul týraly depýtattyń saýalyna bergen jaýabynda QR Іshki ister mınıstriniń birinshi orynbasary Marat Qojaev aıtty, dep habarlaıdy QazAqparat tilshisi.

Onyń sózine qaraǵanda, elimizdiń barlyq óńirlerindegi aýmaqtyq ishki ister organdary jedel profılaktıkalyq sharalardy júrgize otyryp, ishki kóshi-qonǵa baqylaýdy kúsheıtý jónindegi jumystardy atqaryp jatyr.

2022 jyly ótkizilgen is-sharalardyń nátıjeleri boıynsha turǵylyqty jeri boıynsha tirkeýsiz turǵany úshin jalpy el boıynsha 272,5 myńǵa jýyq adam ákimshilik jaýapkershilikke tartyldy.

Sonymen qatar, shyn máninde turmaıtyn adamdardy tirkegen jáne tıisti tirkeýsiz turýǵa ruqsat bergen 2,9 myń turǵyn úı ıesi anyqtaldy.

Sonymen qatar ol shetel azamattaryn kóshi-qon zańnamasyna saı tirkeý máselesine toqtaldy.

«Ýchaske» jalpy respýblıkalyq jedel-profılaktıkalyq is-sharasyn ótkizý aıasynda shetel azamattary turyp jatqan jerler tekerilgen.

Aıta keteıik, jyl saıyn turǵylyqty jeri boıynsha tirkeý jáne qaıta tirkeý úderisinen shamamen 2 mln adam ótedi.

Budan buryn habarlanǵandaı, Májilis depýtaty Mádı Elıýbaev úlken qalalarǵa jaqyn ornalasqan aýyldardyń máselesin kóterip, QR Іshki ister mınıstrine saýal joldaǵan edi.