Elimizde 2500-den astam sottalýshy elektrondy bilezik taǵady

NUR-SULTAN. QazAqparat – Qazaqstanda 2500-den astam sottalýshyǵa elektrondy bilezikter qoldanylady. Bul jalpy sottalǵandardyń 9 paıyzy. Muny Іshki ister mınıstrliginde ótken brıfıng aıasynda Qylmystyq-atqarý júıesi komıteti probatsııa qyzmeti bastyǵynyń orynbasary Berik Bakýlın aıtty, dep habarlaıdy QazAqparat tilshisi.

«Qazirgi ýaqytta elektrondy bilezikter 2500-den astam adamǵa qoldanylady. Bul jalpy sottalǵandardyń 9 paıyzy. Al búgingi kúni probatsııa qyzmetiniń esebinde 28 myńnan astam adam tur. Olardyń ishinde 326 azamat kámeletke tolmaǵandarǵa qatysty jynystyq quqyq buzýshylyq jasaý baptar boıynsha sottalǵan.

Sonymen qatar, 7 aı ishinde elektrondy bilezikterdi paıdalaný nátıjesinde 90 zań buzý faktisi anyqtaldy. Osyǵan baılanysty 30 materıal jınaqtalyp, olar sot organdaryna jiberildi. Atap aıtaqanda, olarǵa qoldanylǵan jaza endi bas bostandyǵynan aıyrý jazasymen almastyrylady. Osynyń nátıjesinde qazirgi ýaqyttyń ózinde sottalǵan 6 adam jazasyn temir torda óteýde», - dedi Berik Bakýlın.

Elektrondy bilezikterdiń kómegimen kún saıyn sottalýshynyń júrip-turýy qadaǵalanady. Berik Bakýlınniń dereginshe, eger sottalǵan adam saǵat 22:00-den keıin turǵylyqty jerinen shyqsa, onda polıtsııa qyzmetkerleri sottalǵanýshyǵa qońyraý shalyp, úıge oralýyn talap etedi. Ol qoldanylǵan mundaı shara sottalýshylardyń qaıta qylmys jasaýynyń aldyn alýǵa múmkindik beretinin atap ótti.

Foto: polisia.kz