Elimizde 22 jasyryn kazınonyń kózi joıyldy
«Zańsyz oıyn bıznesi salasy kóptegen qylmystyq elementter úshin tartymdy jáne halyq úshin teris áleýmettik saldary bar. Zańnamaǵa sáıkes, kazınolar men oıyn avtomattary zaldaryn Qapshaǵaı sý qoımasy jaǵalaýy men Aqmola oblysynyń Şýche aýdanynda ǵana ornalastyrýǵa ruqsat beriledi. Osyǵan oraı kúsh pen quraldy barynsha tarta otyryp, «Stop oıyn« jedel aldyn alý sharasy ótkizildi», - dedi ol Ortalyq kommýnıkatsııalar qyzmetindegi baspasóz máslıhaty barysynda.
Onyń aıtýynsha, atalǵan shara barysynda 765 zańsyz oıyn ornynyń jol kesilip, 22 jasyryn kazıno joıylǵan. Oıyn termınaldary, rýletka syndy 12 myńǵa jýyq zat tárkilengen.
«Germanııa azamaty Saýpe basshylyq jasaǵan uıymdasqan qylmystyq toptyń áreketine tosqaýyl qoıyldy. Oǵan Almaty, Shymkent, Qaraǵandy, Taraz jáne Qyzylorda qalalarynda zańsyz oıyn qyzmetin uıymdastyrý kúdigi taǵylyp otyr. Qylmystyq kiris somasy 800 mln teńgeden asyp jyǵylady. Almatyda «PariMatch» býkmekerlik keńsesiniń jetekshisi, Ýkraına azamat Kocherga sottaldy. Ol zańdy qyzmet jasaýmen qatar poker, bakaara syndy zańsyz onlaın-oıyndarǵa stavka qabyldaǵan. Munan bólek Profit Betting», «Finbet», «Inbet», «StavkaBet» syndy tanymal býkmekerlik keńselerdiń zańsyz áreketterine tosqaýyl qoıyldy. Jumabaevtyń uıymdasqan qylmystyq tobynyń 6 múshesi sottaldy. Olar 2 zańsyz oıyn ornyn uıymdastyryp, 60 saýda nysanynda 230 oıyn avtomattaryn ornalastyrǵan«, - dedi Janat Elımanov.
Komıtet tóraǵasynyń atap ótýinshe, atalǵan kólegeıli salanyń jyldyq qarjy aınalymy sarapshylardyń baǵalaýynsha 60 mlrd teńgeni quraǵan.
»Búginde elimizdiń barlyq óńiri zańsyz oıyn oryndarynan tazalandy desek te bolady. Bul tek ekonomıkalyq qana emes, áleýmettik te problema sanalady. Óıtkeni, oıynqumarlar oınaýǵa aqsha tabý úshin urlyq jasap, alaıaqtyq pen kisi tonaýǵa da baryp jatady«, - dedi ol.