Elimizde 200 myń tonnaǵa deıin kókónis saqtaıtyn qoımalar salynady

ASTANA. QazAqparat – 2025 jylǵa deıin Qazaqstanda birneshe kókónis saqtaý qoımasy salynbaq. Bul týraly búgin Úkimet otyrysynan keıin BAQ ókilderiniń saýalyna jaýap bergen Aýyl sharýashylyǵy mınıstri Erbol Qarashókeev aıtty, dep habarlaıdy QazAqparat tilshisi.

«Biz 2025 jyldyń sońyna deıin syıymdylyǵy 200 myń tonnaǵa jýyq kókónis qoımalaryn salýdy josparlap otyrmyz. Bul Prezıdenttiń tapsyrmasy, ony oryndaýdy sýbsıdııalaý kólemin ulǵaıtý esebinen qarap jatyrmyz. Kókónis saqtaý oryndarynyń sanyn ulǵaıtý boıynsha bıznes tarapynan ótinimderdi qabyldaımyz. Osylaısha kókónis saqtaý kólemin 20-30% ulǵaıtýdy josparlap otyrmyz», - dedi Erbol Qarashókeev.

Sondaı-aq mınıstr turaqtandyrý qorlarynyń jumys mehanızmine ózgerister engiziletinin habarlady.

«Biz bıyl turaqtandyrý qorlarynyń jumysyn forvardtyq kelisimshartqa qaıta baǵyttadyq. Endigi ýaqytta óńirler fermerlermen forvardtyq kelisimsharttar jasasyp, sol arqyly arzan kókóniske qol jetkize alady», – dep tolyqtyrdy vedomstvo basshysy.