Elimizde 2,1 mln adam ózin-ózi jumyspen qamtyp otyr
00:12, 14 Aqpan 2023
ASTANA. QazAqparat - 2022 jylǵy 4- toqsanda Qazaqstan ekonomıkasynyń ártúrli salalarynda 9 mln adam jumyspen qamtylǵany belgili boldy, dep habarlaıdy QazAqparat Ulttyq statıstıka bıýrosyna silteme jasap.
Jumyspen qamtylǵandardyń ishinde 6,9 mln-y (jumyspen qamtylǵandardyń jalpy sanynan 76,7%) jaldamaly qyzmetker bolsa, 2,1 mln adam (jumyspen qamtylǵandardyń jalpy sanynan 23,3%) ózin-ózi jumyspen qamtýshylar.
4-toqsanda aptasyna naqty jumys istegen saǵattar sany orta eseppen jumyspen qamtylǵandardyń bireýinde 39 saǵat, jaldamaly qyzmetkerler arasynda 41 saǵat, ózin-ózi jumyspen qamtýshylar arasynda 34 saǵatty qurady.
Tolyq jumyspen qamtylmaǵandar (jumys kóleminiń tómendeýine, jumys berýshiniń bastamasy boıynsha, syrǵymaly jumys kestesine jáne basqa da sebeptermen az jumys istegender) sany aldyńǵy toqsanmen salystyrǵanda 9,9% ósip, 268,9 myń adamdy qurady.