Elimizde 180 bala statsıonarda KVI-den emdelip jatyr

NUR-SULTAN. QazAqparat – Koronavırýs indetinen statsıonarda emdelip jatqan naýqastardyń ishinde 1 jasqa tolmaǵan 23 bala bar. Bul týraly Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Statsıonarlarda emdelip jatqan patsıentterge qatysty turaqty túrde taldaý júrgizilip keledi. Koronavırýs indetinen statsıonarda emdelip jatqan naýqastardyń ishinde 18 jasqa deıingi balalar sany 41,7 paıyzdy qurady. Onyń arasynda 1 jasqa tolmaǵan 23 bala em qabyldam jatyr», - dedi A. Ǵınııat Ortalyq kommýnıkatsııalar qyzmetinde.

Osy oraıda ol elimiz boıynsha 180 bala statsıonarlyq tártipte em-dom alyp jatqanyn naqtylady. Naýqastardyń ishinde eresek adamdar 58,3 paıyzdy qurady.

Budan buryn habarlanǵandaı, álemde syrqattaný deńgeıiniń ósýimen qatar, Qazaqstanda da 20 maýsymnan bastap koronavırýs ınfektsııasyna shaldyǵý deńgeıi ósti.

Sonymen qatar, koronavırýs kóp taralyp jatqan óńirler belgili boldy.