Elimizde 15,1 myńnan astam azamat jumysynan aırylý jaǵdaıy boıynsha áleýmettik járdemaqy aldy

NUR-SULTAN. QazAqparat - 2020 jylǵy 1 naýryzdaǵy jaǵdaı boıynsha 15 137 azamat jalpy somasy 1,2 mlrd teńgege jumysynan aıyrylǵan jaǵdaıda beriletin áleýmettik tólem alatyn boldy, dep habarlaıdy QazAqparat QR Eńbek jáne halyqty áleýmettik qorǵaý mınıstrligine silteme jasap.

Qazaqstanda jumyssyzdardy áleýmettik qoldaý jumyspen qamtýǵa járdemdesý jáne 2005 jyldan bastap engizilgen Memlekettik áleýmettik saqtandyrý qorynyń qarajaty esebinen jumysynan aıyrylǵan jaǵdaıda beriletin áleýmettik tólem arqyly júzege asyrylady.

«Memlekettik áleýmettik saqtandyrý qorynan beriletin tólem jumyssyz retinde tirkelgen mindetti áleýmettik saqtandyrý júıesine qatysýshyǵa taǵaıyndalady. Bul rette tólem júıege qatysý merzimine jáne sońǵy 24 aıdaǵy kirisine baılanysty 1 aıdan 6 aıǵa deıin taǵaıyndalady. Aǵymdaǵy jylǵy 1 naýryzǵa 15 137 azamat jalpy somasy 1,2 mlrd teńgege tólem aldy, ortasha mólsheri 41 418 teńgeni qurady», - delingen habarlamada.

Osylaısha, mindetti áleýmettik saqtandyrý júıesi jumys istegen 15 jyl ishinde MÁSQ-tan tólemniń osy túrine 19,7 mlrd teńge bólingen.