Elimizde 1 mln jýyq bala balabaqshaǵa barady

ASTANA. QazAqparat – Bıyl elimizdegi mektepke deıingi uıymdarda 30 myńǵa jýyq oryn ashyldy. Bul týraly Oqý-aǵartý mınıstrligi Mektepke deıingi bilim departamentiniń dırektory Natalıa Jumadildaeva aıtty, dep habarlaıdy QazAqparat tilshisi.

«Jyl basynan beri 29 620 oryndyq 307 mektepke deıingi uıym, onyń ishinde 2 818 oryndyq 3 memlekettik, 26 802 oryndyq 304 jeke mektepke deıingi uıym ashyldy. Sońǵy 5 jylda jeke mektepke deıingi uıymdardyń ashylýyna baılanysty balabaqshaǵa joldama alý tártibi eki ese tómendegenin atap ótý mańyzdy. Búginde mektepke deıingi tárbıe júıesiniń aldynda sandyq kórsetkishter emes, sapalyq mindet tur», - dedi ol Ortalyq kommýnkatsııalar qyzmetindegi baspasóz máslıhatynda.

Onyń atap ótýinshe, Memleket basshysynyń tapsyrmalaryn iske asyrý aıasynda 2025 jylǵa deıin 2-3 jastaǵy balalar úshin 223 myń jańa oryn ashý josparlanǵan. Olar halyqtyń mektepke deıingi bilim berý qajettiliginiń 70% paıyzdan astamyn qamtamasyz etedi.

Jalpy, elimiz boıynsha 11 320 mektepke deıingi uıym jumys isteıdi. Olarda 948 362 bala nemese elimizdegi balalardyń 89,1 paıyzy tárbıe alyp jatyr.