Elimiz memlekettik táýelsizdigin alǵan kúninen bastap Qazaqstan azamaty bolýǵa nıet bildirýshilerdiń sany ósip keledi - QR Memlekettik hatshysy
Otyrysta Qazaqstan azamattyǵyn alýǵa tilek bildirgen adamdardyń kóptegen ótinishteri qaraldy, sondaı-aq Qazaqstan Respýblıkasy kóshi-qon saıasatynyń birqatar ózekti máseleleri boıynsha Іshki ister mınıstrligi jumysynyń qorytyndysy talqylandy.
«Elimiz memlekettik táýelsizdigin alǵan kúninen bastap Qazaqstan azamaty bolýǵa nıet bildirýshilerdiń sany ósip keledi. Osy jyldar ishinde qazaqstandyq azamattyq ınstıtýttyń halyqaralyq bedeli, bizdiń memleketimizdiń áleýmettik júıesiniń mártebesi aıtarlyqtaı ósti. Bul fakt - Elbasy Nursultan Nazarbaevtyń basshylyǵymen elimizdiń óziniń áleýmettik-ekonomıkalyq jáne qoǵamdyq-saıası damýyndaǵy ultaralyq qarym-qatynasynyń joǵary mádenıeti men senimdi qadamynyń dáleli. Tuńǵysh Prezıdent kúni qarsańynda bizdiń bárimizge, ásirese bizdiń bolashaq otandastarymyzǵa qazaqstandyq qoǵamǵa tán ultaralyq jáne konfessııaaralyq turaqtylyqtyń bastaýlaryn tereń jaýapkershilikpen uǵyný asa mańyzdy. Biz olardyń tolyq quqyly azamattar bola otyryp, egemen Qazaqstannyń odan ári damýy men órkendeýine óz úlesterin qosatyndaryna senemiz. Tıisti memlekettik qurylymdar bizdiń qalalarymyz ben aýyldarymyzda olardyń áleýmettik beıimdelýin jyldamdatýǵa, sondaı-aq azamattyq alý týraly árbir ótinishke erekshe muqııat qaraýǵa mindetti», - dep atap kórsetti Memlekettik hatshy.
Komıssııa otyrysynyń qorytyndysy boıynsha tıisti sheshimder men usynymdar qabyldandy.