Elge jumys taýyp berýmen aınalysatyn agenttikterdiń qyzmet kólemi 7 paıyzǵa ósti

ASTANA. QazAqparat - Elimizde rekrýtıng agenttikteriniń qyzmet kólemi 7% ósti, dep habarlaıdy QazAqparat ulttyq statbıýroǵa silteme jasap.

2023 jylǵy qańtar-naýryzda halyqty jumyspen qamtý salasynda kórsetilgen qyzmet kólemi 123,7 mlrd teńgeni qurady.

2022 jyldyń sáıkes kezeńimen salystyrǵanda qyzmet kólemi 7% ósti.

Onyń ishinde 1,2 mlrd teńgeniń qyzmetin nemese búkil kólemniń 1% jeke kásipkerler, qalǵanyn kásiporyndar kórsetken.

Jalpy kadrlyq qyzmetterdiń 4,2%, ıaǵnı 5,2 mlrd tg aýyldyq jerde kórsetilgen.

Qyzmetterdiń basym bóligi Atyraý (91,8 mlrd tg), Mańǵystaý (6,3 mlrd tg) jáne Batys Qazaqstan oblystarynda (5,1 mlrd tg) kórsetilgen.

Qyzmetterdiń eń az kólemi Soltústik Qazaqstan oblysynda – 58,9 myń tg.