— Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıtetiniń mamandary eki júk kóligine veterınarııalyq tekserý júrgizý barysynda veterınarııalyq-sanıtarııalyq zańnamanyń talaptary buzylǵanyn anyqtady. Atap aıtqanda, júkti súıemeldeıtin mindetti veterınarııalyq qujattardyń joqtyǵy tirkeldi, bul — qoldanystaǵy erejelerdiń tikeleı buzylýy. Sonymen qatar, atalǵan ónimge ýaqytsha shekteýlerdiń engizilýine baılanysty ony ákelýge tyıym salynǵan, — delingen AShM habarlamasynda.
Tekserý nátıjeleri boıynsha, júk tıelgen kólikter Qazaqstan Respýblıkasynyń aýmaǵynan keri qaıtaryldy. Veterınarııalyq zańnamany buzǵany úshin júrgizýshige qatysty ákimshilik hattama toltyryldy.
Aıta keteıik, 2025 jyldyń basynan beri Eýrazııalyq ekonomıkalyq odaq elderimen memlekettik shekara arqyly ónimderdi tasymaldaý kezinde veterınarııalyq baqylaý-ótkizý beketterinde veterınarııalyq talaptardyń buzylýy boıynsha 377 jaǵdaı tirkeldi. Ótkizilgen tekseristerdiń nátıjesinde 163 tulǵaǵa qatysty ákimshilik hattamalar toltyrylyp, jalpy somasy 7,6 mln teńge aıyppul salyndy.
Aıta ketelik Qazaqstan bıdaıy Vetnamǵa eksporttalatyny týraly jazǵan edik.