Elge kóship kelgen qandastarǵa qandaı qoldaý kórsetiledi - Tashkenttegi kezdesý

ASTANA. QazAqparat - 30 shilde Ózbekstan Respýblıkasyndaǵy aıtýly mereke Halyqtar dostyǵy kúnine oraı Tashkent qalasynda ornalasqan Qazaq Mádenı ortalyǵynda qandastarmen kezdesý ótti, dep habarlaıdy QazAqparat.

Horezm, Buhara, Naýaı, Jyzaq, Syrdarııa jáne Tashkent oblysynan kelgen mádenı ortalyq basshylary men ult zııalylary mańyzdy is-sharada ózara pikir almasty.

Kezdesýde qoǵam prezıdenti Abzal Saparbekuly «Otandastar qorynyń» shettegi jáne eldegi atqarǵan jumystary men josparlary týraly áńgime órbitti.

A.Saparbekuly Memleket basshysy Qasym-Jomart Toqaevtyń Túrkistanda ótken ulttyq quryltaıdaǵy «Sheteldegi qandastarymyzben tyǵyz qarym-qatynas ornatyp, rýhanı baılanysty nyǵaıta beremiz. Bul másele – meniń jeke nazarymda.»-degen sózin eske sala otyryp, qandas jastarǵa, elge kóship keletin qandastarǵa arnalǵan memlekettik qoldaýǵa keńinen toqtaldy.

Óz kezeginde, qandastarymyz qazaq mektepterindegi muǵalimderdiń biliktiligin arttyrý, jastardyń Qazaqstanda JOO túsý úshin UBT tapsyrýdaǵy qıyndyqtar, qazaq tilinde kitaptar men mádenı is-sharalarǵa degen suranystar týraly óz oıymen bólisip, usynystaryn jetkizdi.

Jıyn sońynda, Qazaqstan Respýblıkasynyń Prezıdenti Qasym-Jomart Kemeluly Toqaevtyń alǵys hatymen «Nurly jol» gazetiniń redaktory Ǵulamzákir ıÝsýpov pen «Kenımeh tańy», «Tamdy sharýageri» gazetiniń shyǵarýshy redaktory Gúldana Narynbetova marapattaldy.

Sondaı-aq, birqatar qazaq ortalyqtaryna ulttyq bı kóılek toptamalary men Otandastar qorynyń «Ár qazaqqa bir kitap» aktsııasy sheńberinde jınalǵan kitaptar tartý etildi.