Elge elektromobıl ákeletinder zańdy aınalyp ótip, 100 mln teńge salyq tólemegen

<p>Álemdik tendentsııa, tehnıkalyq sıpattama jáne elektromobıl ákelý kezinde memlekettik tólemderden bosatý olarǵa degen suranystyń artýyna ákeldi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

​Mundaı preferentsııany qoldanýdyń negizgi sharty — jeke paıdalaný úshin jylyna tek 1 mashına ákelý.

​Alaıda is júzinde elektromobılder jeke paıdalaný úshin rásimdelgenimen keıinnen qaıta satylýǵa ákelingen, onyń ishinde 8 avtosalon da sóıtken. 

​Tek Almaty boıynsha kólik prokýrorlary osyndaı 34 qaıta satý belgilerin anyqtaǵan, onda memlekettiń boljamdy shyǵyny 100 mln teńgeden asady.

​Mundaı jaǵdaıda memlekettik qazynaǵa zııan keltirýden basqa, salaýatty emes básekege jol berilgen, bul kóbine adal bıznestiń bankrot dep tanylýyna ákeledi.

​Bul — elektromobılge qatysty keden salasyndaǵy jalǵyz másele emes.

​Memlekettik kiris organdary olardy kedendik tazartý kezinde zańnamanyń birkelki qoldanylýyn qamtamasyz etpeıdi.

Mysaly, «Li Auto» (Li 7 jáne 9) markaly avtokólik. Ýákiletti organnyń ustanymyna sáıkes bul kólik elektromobıl bolyp tabylady.

​Osyndaı retpen 141 birdeı avtokólikke keden ókilderimen jáne deklaranttarmen 7 jaǵdaıda gıbrıd kody qoldanylǵan.

Bunyń ózi bıýdjetke shamamen 80 mln teńgeniń negizsiz tólenýine jáne syrtqy ekonomıkalyq qyzmetke qatysýshylardyń quqyqtarynyń buzylýyna ákep soqtyrǵan.

Al keden organdary kemshilikti joıý sharalaryn ýaqtyly qabyldamaǵan.

Búgingi kúni kólik prokýrorynyń engizgen usynysy boıynsha mundaı tájirıbeni joıý jáne deklaranttarǵa (gıbrıd retinde resimdelgen avtomashınalardyń menshik ıelerine) aqshasyn qaıtaryp jatyr. 

Sondaı-aq, kináli qyzmetkerlerdi tártiptik, al keden brokerlerin ákimshilik jaýapkershilikke tartý máselesi qarastyrylyp jatyr. 

Qylmys belgileri bar jekelegen materıaldar qylmystyq qýdalaý organdaryna jiberildi.