Elena Rybakınanyń Shtýtgart týrnırindegi qarsylasy anyqtaldy

ASTANA. QazAqparat – Germanııanyń Shtýtgart qalasynda WTA 500 serııasy boıynsha 17-23 sáýir aralyǵynda ótetin Porsche Tennis Grand Prix Stuttgart 2023 týrnıriniń jerebesi tartyldy, dep habarlaıdy QazAqparat tilshisi.

Qazaqstannyń birinshi, álemniń 7-raketkasy Elena Rybakına bastapqy kezdesýin dúnıejúzilik reıtıngide 65-orynda turǵan germanııalyq ıÝle Nımaıermen ótkizedi.

Jarystyń ótken jylǵy chempıony, álemniń birinshi raketkasy, Polsha ókili Iga Shventek dodany ekinshi aınalymnan bastaıdy. Sol sekildi álemniń 2-raketkasy, belorýssııalyq Arına Sobolenko ekinshi aınalymda chehııalyq Barbora Kreıchıkova nemese reseılik Lıýdmıla Samsonovanyń bireýimen sheberlik baıqasady.

Sondaı-aq, alǵashqy aınalymda mynadaı juptar ózara synǵa túsedi:

Ekaterına Aleksandrova (Reseı) – Donna Vekıch (Horvatııa),

Karolına Plıshkova (Chehııa) – Marııa Sakkarı (Grekııa, 8),

Elena Ostapenko (Latvııa) – Emma Radýkaný (Ulybrıtanııa),

Korı Gaýff (AQSh) – Veronıka Kýdermetova (Reseı),

Petra Kvıtova (Chehııa) – Anastasııa Potapova (Reseı),

Darıa Kasatkına (Reseı, 7) – Paýla Badosa (Ispanııa).

Topyraq tósenishinde ótetin Shtýtgart jarysynyń júlde qory – 780 637 AQSh dollary. Týrnır jeńimpazy 120 150 dollar tabys taýyp, 470 reıtıngilik upaıǵa qol jetkizedi. Qazaqstannyń erler arasynda birinshi, álemniń 53-raketkasy Aleksandr Býblık 17-23 sáýir aralyǵynda bolatyn Barselona ATP 500 jarysynda óner kórsetedi. Onyń bastapqy qarsylasy – álemniń 38-raketkasy, fınlıandııalyq Emıl Rýýsývýorı.

Eske sala keteıik, budan buryn Elena Rybakınanyń jeńisin barlyq qazaqstandyqtarǵa arnaıtynyn jazǵan edik.

Sondaı-aq, ıAroslava Shvedova Qazaqstan quramasynyń álem chempıonatyna joldama alýy zor qýanysh ekendigin aıtty.