Elena Rybakınanyń Monrealdaǵy kezdesýi aýa raıyna baılanysty keıinge shegerildi
09:47, 13 Tamyz 2023
MONREAL. QazAqparat - Qazaqstandyq tennısshi Elena Rybakına (WTA reıtınginde 4-oryn) Monrealda (Kanada) ótip jatqan týrnırdiń jartylaı fınalynda reseılik Lıýdmıla Samsonovamen (18-oryn) kezdesedi, dep habarlaıdy Sports.kz.
Bul jekpe-jek jeksenbi kúni tańerteń Astana ýaqytymen 06:30-da ótýi kerek edi, biraq 23:30-da jaýǵan jańbyrǵa baılanysty keıinge shegerildi.
Eske salaıyq, buǵan deıin týrnır barysynda qazaqstandyq tennısshi amerıkalyq Djennıfer Bredıdi (584-oryn) - 6:7, 7:6, 6:3 - jáne Sloan Stıvensti (38-oryn) - 6:3, 6:3 jáne reseılik Darıa Kasatkınany (14-oryn) 5:7, 7:5, 7:6 esepterimen jeńgen bolatyn.
Bıylǵy Monrealdaǵy týrnırdiń júlde qory 2 788 468 dollardy quraıdy. Baıqaý jeńimpazy 454 500 dollar enshilep, 900 reıtıngtik upaıǵa ıe bolady.