Elena Rybakınanyń Maıamı masters týrnırindegi qarsylasy anyqtaldy

ASTANA. QazAqparat – Qazaqstannyń birinshi, álemniń 7-raketkasy Elena Rybakınanyń Maıamı WTA 1000 týrnırindegi qarsylasy anyqtaldy, dep habarlaıdy QazAqparat tilshisi.

Masters jarysynyń 10-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngte 64-orynda turǵan reseılik Anna Kalınskaıamen sheberlik baıqasady.

A.Kalınskaıa alǵashqy aınalymda reıtıngte 171-satydaǵy Andorra ókili Vıktorııa Hımenes-Kasıntsevany 6:4, 6:2 esebimen tize búktirdi.

Júlde qory 8,8 mln AQSh dollaryna baǵalanǵan Maıamı dodasy 2 sáýirge deıin sozylady.

Ótken jyly Polsha ókili, álemniń 1-raketkasy Iga Shventek chempıon atansa, Elena Rybakına úshinshi aınalymǵa deıin jetken bolatyn.

Qazaqstannyń erler arasyndaǵy birinshi, álemniń 48-raketkasy Aleksandr Býblık osy Maıamı masters týrnırinde bastapqy kezdesýin reıtıngte ózinen eki saty tómen turǵan amerıkalyq Djeffrı Djon Volfpen ótkizedi.

Eske sala keteıik, budan buryn tennısten álem chempıoonaynda Qazaqstan jasóspirimder quramasynyń pleı-off kezeńine shyqqanyn jazǵan bolatynbyz.

Sondaı-aq ıÝlııa Pýtıntseva Maıamı týrnıriniń birinshi matchynda jeńilip qaldy.