Elena Rybakınanyń Berlınde ótetin týrnırdegi alǵashqy qarsylasy anyqtaldy
01:53, 19 Maýsym 2023
BERLIN. QazAqparat - Qazaqstannyń úzdik tennısshisi, álemniń úshinshi raketkasy Elena Rybakınanyń Berlınde (Germanııa) ótetin WTA 500 týrnırindegi alǵashqy qarsylasy anyqtaldy, dep habarlaıdy QazAqparat Sports.kz saıtyna silteme jasap.
Birinshi aınalymdaǵy kezdesýde Rybakına 20 jastaǵy reseılik Polına Kýdermetovamen (WTA reıtınginde 141-orynda) oınaıdy.
Kýdermetova fınaldyq irikteýde Shveıtsarııa ókili Sıýzan Bandechchıdi (388-oryn) jeńip, Berlındegi týrnırdiń negizgi jerebesine ótken.
Bett1open týrnıri Berlınde 19-25 maýsym aralyǵynda ótedi.