Elena Rybakına juptyq synda Adelaıda týrnıriniń fınalyna shyqty
E.Rybakına reseılik Anastasııa Pavlıýchenkovamen birge jartylaı fınalda jarystyń úshinshi raketkalary, ýkraınalyq Lıýdmıla Kıchenok – latvııalyq Elena Ostapenkomen sheberlik baıqasty.
Qazaqstandyq-reseılik jup birinshi partııada birden breık jasap, basymdylyǵynan aıyrylǵan joq – 6:4.
Olar ekinshi sette esep 4:5 bolǵan mezette qarsylastarynyń eki setbolyniń birin paıdalanýyna múmkindik bergen joq. Aqyry tarazy basyn ózderine aýdardy – 7:5.
Saǵat jarymǵa sozylǵan matchta qazaqstandyq-reseılik dýet 4 eıs jasap, 15 breık-poınttyń úsheýin óz esebine jazdy. Qarsylastary 1 breıkten asa alǵan joq.
Osylaısha, E.Rybakına A.Pavlıýchenkovamen birge sporttyq jolynda ekinshi ret WTA fınalyna joldama aldy.
Olar sońǵy básekede chehııalyqtar Mırıam Kolodzejova – Marketa Vondroýshova nemese brazılııalyq Lýıza Stefanı – amerıkalyq Teılor Taýnsend juptarynyń qaı jeńgenimen bas júldeni sarapqa salady.
Eske sala keteıik, budan buryn Elena Rybakınanyń juptyq synda Adelaıda týrnıriniń jartylaı fınalyna ótkenin jazǵan bolatynbyz.
Sondaı-aq ıÝlııa Pýtıntseva Aýstralııadaǵy jarystyń shırek fınalyna shyqty
Foto: Qazaqstan tennıs federatsııasy