Elena Rybakına WTA reıtınginde tómen túsip qaldy

ASTANA. QazAqparat – Áıelder tennıs qaýymdastyǵy (WTA) jeke jáne juptyq razrıadtaǵy reıtıngtiń jańartylǵan nusqasyn usyndy, dep habarlaıdy QazAqparat Sports.kz saıtyna silteme jasap.

Álemniń birinshi raketkasy ataǵy polshalyq Iga Sventekte, odan keıingi orynda Týnıs ókili Ons Jaber men amerıkalyq Djessıka Pegýla ornalasqan.

Qazaqstannyń eń myqty tennısshisi Elena Rybakına eki pozıtsııa joǵaltyp, 23-shi oryn aldy. ıÝlııa Pýtıntseva 51-shi orynda qaldy.

Juptyq razrıadta cheh sportshysy Katerına Sınıakova kósh bastap tur, odan keıin reseılik Veronıka Kýdermetova men taǵy bir Chehııa ókili Barbora Kreıchıkova tur.

Úzdik qazaqstandyq «juptyq» tennısshi Anna Danılına bir oryn joǵaltyp, onynshy orynǵa tústi.

Jibek Qulambaeva 29 pozıtsııa joǵaltyp, 233-shi orynǵa jaıǵasty.

Foto: ktf.kz