Elena Rybakına US Open chempıonyn ońaılyqpen jeńdi

MONREALЬ. QazAqparat - Qazaqstannyń úzdik tennısshisi Elena Rybakına Monrealda (Kanada) WTA 1000 sanatyndaǵy týrnırdiń 1/8 fınalynda match ótkizdi, dep habarlaıdy QazAqparat Sports.kz portalyna silteme jasap.

Álemniń tórtinshi raketkasy Rybakına osy kezeńdegi qarsylasy – WTA reıtınginde 38-orynda turǵan AQSh sportshysy, US Open-2017 chempıony Sloan Stıvens. Birinshi set Elenanyń paıdasyna 6:3 esebimen aıaqtaldy. Oıynnyń ekinshi partııasynda Rybakınanyń oń jaq ıyǵyndaǵy problemalarǵa baılanysty oǵan medıtsınalyq taım-aýt qajet boldy, biraq ol kóp uzamaı oıynǵa oralyp, matchty 6:3 esebimen jeńispen aıaqtady.

Shırek fınalda Rybakınanyń qarsylasy álemniń 14-raketkasy reseılik Darıa Kasatkına bolmaq. Buǵan deıin ekinshi aınalymda Elena Rybakına álemdik reıtıngte 584-orynda turǵan amerıkandyq Djennıfer Bredıdi tartysty kezdesýde jeńip shyqty. Esep - 6:7, 7:6, 6:3.