Elena Rybakına Ýımbldon týrnıriniń ekinshi aınalymyna shyqty
Qazaqstandyq tennısshi alǵashqy aınalymda dúnıejúzilik reıtıngte 157-orynda turǵan amerıkalyq Koko Vandevegemen kezdesti.
Birinshi partııa taǵdyry taı-breıkte sheshilip, onda E.Rybakına aıqyn basymdylyq tanytty – 7:6 (7:2).
Ekinshi partııada esep 5:5 bolǵan mezette Elena breık jasaı aldy – 6:5. Sodan keıin óz múmkindigin múlt jibergen joq – 7:5.
Bir saǵat 40 mınýtqa sozylǵan match barysynda qazaqstandyq sportshy 11 eıspen birge 1 breık-poıntty paıdalana bildi. Qarsylasy 8 eıs jasaǵanymen, 9 breık-poınttyń birde-bireýin iske asyra alǵan joq.
E.Rybakına ekinshi aınalymda álemniń 56-raketkasy, 2019 jylǵy US Open jarysynyń jeńimpazy, kanadalyq Bıanka Andreeskýmen sheberlik baıqasady. Ol 224-oryndaǵy amerıkalyq Emına Bektasty ońaı utty – 6:1, 6:3.
Taǵy bir qazaqstandyq, álemniń 33-raketkasy ıÝlııa Pýtıntseva reıtıngte ózinen tórt saty tómen turǵan frantsııalyq Alıze Kornemen oınap, 3:6, 6:7 (5:7) esebimen utylyp qaldy.
Erler arasynda reıtıngte 164-oryndaǵy Mıhaıl Kýkýshkın álemniń 34-raketkasy, amerıkalyq Djenson Brýksbıge shamasy jetpedi – 3:6, 2:6, 3:6.
Eske sala keteıik, budan buryn Aleksandr Býblıktiń Ýımbldon týrnırin jeńispen bastaǵanyn jazǵan bolatynbyz.