Elena Rybakına Toronto týrnırin jeńispen bastady
Qazaqstandyq tennısshi alǵashqy aınylymda álemniń 47-raketkasy, chehııalyq Marııa Boýzkovamen sheberlik baıqasty.
Osyǵan deıin qarsylastar eki márte kezdesip, Elena 2020 jyly Rımde (7:5, 7:6), bıyl Adelaıdada (Aýstralııa) 6:3, 6:4 esebimen basym túsken edi.
Bul joly birinshi partııada E.Rybakına sáttirek oınady – 7:5.
Ekinshi sette esep 5:5 bolǵan mezette M.Boýzkova breık jasap ketti – 6:5. Degenmen Rybakına sol boıda tarazy basyn teńestirdi – 6:6. Taı-breık Boýzkovanyń paıdasyna sheshildi – 7:6 (7:3).
Úshinshi, sheshýshi partııany qazaqstandyq tennısshi breıkpen bastady – 1:0. Qazaqstandyq sportshy matchty taǵy bir breıkpen túıindedi – 6:1.
Úsh saǵatqa sozylǵan tartysty báseke barysynda Elena 6 eıs jasap, 22 breık-poınttyń jeteýin paıdalandy. Qarsylasy 1 eıs, 3 breıkpen (6 breık-poınt) kózge tústi.
E.Rybakına ekinshi aınalymda qos amerıkalyq, álemniń 11-raketkasy Korı Gaýff nemese reıtıngte 64-satyda turǵan Medıson Brengldiń bireýimen kezdesedi.
Osylaısha, E.Rybakına Ýımbldonda chempıon atanǵannan keıingi alǵashqy jeńisine qol jetkizdi. Budan buryn San-Hose WTA-500 (AQSh) jarysynyń birinshi aınalymynda reseılik Darıa Kasatkınaǵa jol bergen edi. Keıin D.Kasatkına San-Hosede jeńimpaz atandy.
Taǵy bir qazaqstandyq, álemniń 46-raketkasy ıÝlııa Pýtıntseva Torontoda alǵashqy aınalymda reıtıngte 299-oryndaǵy kanadalyq Ketrın Sebovpen kortqa shyǵady.
Júlde qory 2 mln 697,250 myń dollarǵa baǵalanǵan Toronto dodasy 14 tamyzda márege jetedi. Ótken jyly munda kanadalyq Bıanka Andreeský ozyq shyqqan edi.
Eske sala keteıik, budan buryn Óskemende 14 jastaǵy qazaqstandyq tennısshiniń negizgi týrnırge ótkenin jazǵan bolatynbyz.