Elena Rybakına taı-breık pen eıs jóninen biregeı nátıjege qol jetkizdi

ASTANA. QazAqparat – Maıamı WTA 1000 týrnıriniń fınalyna shyqqan Qazaqstannyń birinshi, álemniń 7-raketkasy Elena Rybakına taı-breık pen eıs jóninen biregeı nátıjege qol jetkizdi, dep habarlaıdy QazAqparat tilshisi.

OptaAce saıtynan alynǵan málimetke qaraǵanda, qazaqstandyq tennısshi jyl basynan beri óz oıyndarynda jeti taı-breık ótkizdi.

Elena sonyń bárinde jeńiske jetti – 7:0, mundaı nátıjege WTA oıynshylarynan bıyl eshkim jete alǵan joq.

Elena Rybakına sonymen qatar amerıkalyq ataqty tennısshi Serena Ýılıamsten keıin (2016) bir jarys barysynda bes matchta qatarynan 10 jáne odan kóp eıs jasaǵan birinshi tennısshi atandy.

Qazaqstandyq sportshy Maıamı masters dodasynda reseılik Anna Kalınskaıamen matchta 14, ıspanııalyq Paýla Badosamen oıynda 12, belgııalyq Elıza Mertenspen, ıtalııalyq Martına Trevızanmen básekede 10-10-nan eıs jasady. Sondaı-aq búgin jartylaı fınalda 11 eıske qol jetkizdi.

Eske sala keteıik, budan buryn Elena Rybakınanyń Maıamıde jartylaı fınalda birinshi sátte qarsylasynan basym túskenin jazǵan bolatynbyz.

Sondaı-aq Elena Rybakına Maıamıde álemniń úshinshi raketkasyn jeńip, fınalǵa shyqty.