Elena Rybakına Slovenııadaǵy jarystyń jartylaı fınalyna shyqty

NUR-SULTAN. QazAqparat - Qazaqstannyń birinshi, álemniń 25-raketkasy Elena Rybakına Portoroj (Slovenııa) WTA 250 týrnıriniń jartylaı fınalyna shyqty, dep habarlaıdy QazAqparat tilshisi.

Osy jarystyń 3-raketkasy bolyp tirkelgen qazaqstandyq tennısshi shırek fınalda dúnıejúzilik reıtıngte 92-orynda turǵan ýkraınalyq Lesıa Tsýrenkomen kezdesýi kerek edi.

Alaıda qarsylasy matchqa shyqqan joq.

Osylaısha, E.Rybakına oınamastan jartylaı fınalǵa ótti.

Elena Rybakına dodanyń fınalyna shyǵý úshin álemniń 18-inshi, jarystyń 2-raketkasy, brazılııalyq Beatrıs Haddad Maııa nemese reıtıngte 65-satydaǵy rýmynııalyq Ana Bogdannyń bireýimen talasady.

Eske sala keteıik, budan buryn Elena Rybakınanyń Slovenııadaǵy jarystyń shırek fınalyna shyqqanyn jazǵan bolatynbyz.

Sondaı-aq tennısten Devıs kýbogynda Qazaqstan quramasy ekinshi matchyn AQSh komandasyna jol berdi.

Foto: ktf.kz