Elena Rybakına Serena Ýılıamstiń tarıhı nátıjesin qaıtalady
OptaAce saıtynan alynǵan málimetke qaraǵanda, Elena Rybakına sońǵy tórt matchta 10 jáne odan kóp eıs jasady.
Osylaısha, ol Serena Ýılıamstiń 2020 jylǵy AQSh ashyq chempıonatyndaǵy biregeı nátıjesin qaıtalady.
Qazaqstandyq tennısshi Maıamı masters dodasynda Anna Kalınskaıamen básekede 14, Paýla Badosamen matchta 12, Elıza Mertenspen ótken oıynda 10 eıs jasaǵan edi. Sońǵy Martına Trevızanmen jekpe-jekte taǵy 10 eıske qol jetkizdi.
Qazaqstannyń úzdik tennısshisi Maıamı jarysynyń jartylaı fınalyna shyqqandyǵy jóninde bylaısha pikir bildirdi.
«Árıne, maǵan eshqandaı qysym joq. Men munyń óte kúrdeli ekendigin, oıynshylardyń bári birdeı oǵan shydas bere almaǵanyn bilemin. Onyń ústine bir oıynda matchboldan qutyldym, sondyqtan men shynynda da jerebe týraly oılamaımyn. Maǵan tek matchqa bar zeıinimdi salý kerek, al qarsylas kúshti. Árıne, tamasha tabysqa qol jetkizgen jaqsy, degenmen oǵan áli alys», dedi E.Rybakına.
Elena Rybakına fınalǵa shyǵý úshin álemniń 3-raketkasy, amerıkalyq Djessıka Pegýla nemese reıtıngte 26-orynda turǵan reseılik Anastasııa Potapovanyń bireýimen talasady.
Eske sala keteıik, budan buryn Elena Rybakınanyń qatarynan úsh matchta 10-nan astam eıs jasaǵan birinshi tennısshi atanǵanyn jazǵan bolatynbyz.
Sondaı-aq Qazaqstan jasóspirimderi álem chempıonaty irikteý kezeńiniń shırek fınalyna shyqty.
Rybakına jas tennısshilerge kómegi týraly: Men olardy bıikten kórgim keledi.
ıAroslava Shvedova eldiń qoldaýyn seziný úlken baqyt ekendigin málim etti.
Elena Rybakına alǵash ret Maıamı masters týrnıriniń jartylaı fınalyna shyqty.