Elena Rybakına Rolan Garros týrnıriniń ekinshi aınalymyna shyqty
Qazaqstandyq tennısshi alǵashqy kezdesýin dúnıejúzilik reıtıngte 78-orynda turǵan nıderlandylyq Arancha Rýspen ótkizdi.
Osyǵan deıin ekeýi ózara bir ret oınap, onda tájiıbeli Rýs basym túsken edi.
Bul joly Elena Rybakına matchty qarqyndy bastady - 6:1.
Degenmen ekinshi sette nıderlandylyq sportshy ese qaıyrdy - 7:5.
Úshinshi, sheshýshi partııada qazaqstandyq tennısshi tarazy basyn aýdara bildi - 6:2.
Eki saǵat 20 mınýtqa sozylǵan tartysty báseke barysynda E.Rybakına 3 eıspen birge 14 breık-poınttyń teń jartysyn paıdalandy. Qarsylasy 3 breıkke qol jetkizdi.
E.Rybakına ekinshi aınalymda álemniń 135-raketkasy, amerıkalyq Ketı Volynetspen sheberlik baıqasady.
Ótken jyly E.Rybakına Frantsııa ashyq chempıonatynda shırek fınalǵa deıin jetip, onda keıin fınalıst atanǵan reseılik Anastasııa Pavlıýchenkovaǵa jol bergen edi.
Eske sala keteıik, budan buryn Rolan Garros týrnırinde qazaqstandyq tennısshilerdiń alǵashqy kezdesýlerin ótkizetinin, ıAroslava Shvedovanyń Ýımbldonda óner kórsetetinin jazǵan bolatynbyz.
Sondaı-aq Aleksandr Býblık Rolan Garros týrnırin jeńispen bastady.